Ազատ-Հայ
Շէֆ Խուլուտը Ապու Տապիի առաջին կայանէն հայկական խոհանոցը կը ներկայացնէ Կիւլիզար Ճոնեանին հետ՝ Րամատանի 22րդ գիշերուան յայտագրին մէջ:
«Իչ»ի պատրաստութիւնը կը նկարագրուի (զանիկա կոչելով «հայկական Թապուլէ»):
Ապա կը նկարագրուի նուռի օշարակի պատրաստութիւնը: Նուռը կը ներկայացուի որպէս հայ խոհանոցի կարեւոր բաղադրութիւններէն մէկը: Նուռը հայերուն մօտ կեանքի շարունակականութեան նշանն է, կը նշէ շէֆը:
Երրորդ բաղադրատոմսը՝ Հայկական քեպապն է (կերասով քեպապ):
Այս յայտագրին առիթով շէֆ Խուլուտը կը խօսի հայերուն մասին որպէս հին ազգ, որ ցրուած է տարբեր երկիրներու մէջ, ինչ որ ձեւով մը կը հարստացնէ հայկական խոհանոցը՝ տեղական զանազան ազդեցութիւններու տակ:
Կիւլիզար Ճոնեան կը հրամցնէ հայկական անուշեղէն մը՝ դդումի անուշ, ապա բացատրութիւն կու տայ մեր խոհանոցին մէջ գործածուած զանազան համեմներուն մասին:
Շեֆ Խուլուտը հարց կու տայ՝ եթէ Հայաստան այցելեմ ի՞նչ կրնամ ուտել հոն: «Կրնաս ուտել խաշ, պասթըրմա եւ սուճուխ», կը պատասխանէ Կիւլիզար:
Ծանօթանալէ ետք զանազան ճաշատեսակներու շեֆը կ'ընդունի թէ այսօր ներկայացուած խոհանոցը հարուստ խոհանոց մըն է:
Առիթ կ'ըլլայ նաեւ խօսելու հայկական այլ ճաշատեսակներու մասին ինչպէս՝ Մանթը, ոսպով քիւֆքէ, եւայլն
Կիւլիզար Ճոնեան եւ իր դուստրը Անուշքան Ապու Տապիի մէջ ունին The Events Atelier ընկերութիւնը, որ ստանձնած էր խոհանոցին յարդարանքը:
المهندسة كوليزار جونيان تشارك مع الشيف خلود في قناة أبوظبي الأولي في تقديم نماذج من المطبخ الأرمني
Here's a link to "Episode 22" of Sarareed Khulood, featuring Gulizar Jonian and authentic Armenian cuisine.
No comments:
Post a Comment